എന്താണ് സിടി ട്രിപ്പിൾ റൂൾ ഔട്ട്?

എന്താണ് സിടി ട്രിപ്പിൾ റൂൾ ഔട്ട്?

കടുത്ത നെഞ്ചുവേദനയുമായി അത്യാഹിത വിഭാഗത്തിൽ വരുന്ന രോഗികൾക്ക് ഉപയോഗിക്കാവുന്ന ഇസിജി ഗേറ്റഡ് മൾട്ടി ഡിറ്റക്ടർ കമ്പ്യൂട്ട്ഡ് ടോമോഗ്രാഫിക് സ്‌കാൻ ആണ് സിടി ട്രിപ്പിൾ റൂൾ ഔട്ട്. ഈ ടെസ്റ്റ് ലക്‌ഷ്യം വെക്കുന്നത് പ്രധാനമായും മൂന്ന് അസുഖങ്ങളെയാണ്: അയോർട്ടിക് ഡിസെക്ഷൻ, പൾമണറി എംബോളിസം, കൊറോണറി ആർട്ടറി ഡിസീസ് എന്നിവയാണ് ‘ട്രിപ്പിൾ’ റൂൾ ഔട്ട്.

ഓക്‌സിജൻ അടങ്ങിയ രക്തം വഹിക്കുന്ന ശരീരത്തിലെ ഏറ്റവും വലിയ രക്തധമനിയായ അയോർട്ടയുടെ ആന്തരിക പാളിയിലെ വിള്ളലാണ് അയോർട്ടിക് ഡിസെക്ഷൻ. പൾമണറി എംബോളിസം മറ്റെവിടെ നിന്നെങ്കിലും, സാധാരണയായി കാലുകളിൽ നിന്ന്, രക്തചംക്രമണം വഴി ശ്വാസകോശത്തിലെ രക്തക്കുഴലുകളിൽ രക്തക്കട്ടകൾ വന്നടയുന്നതാണ്. ഹൃദയാഘാതത്തിന് കാരണമായേക്കാവുന്ന ഹൃദയത്തിലെ രക്തക്കുഴലുകളിലെ ബ്ലോക്കുകളാണ് കൊറോണറി ആർട്ടറി ഡിസീസ്.

തീവ്രമായ നെഞ്ചുവേദനയുടെ ജീവൻ അപകടപ്പെടുത്താൻ സാധ്യതയുള്ള കേസുകളിൽ സിടി ട്രിപ്പിൾ റൂൾ ഔട്ട് അതിവേഗം ചെയ്യാവുന്നതാണ്, ഉയർന്ന നെഗറ്റീവ് പ്രവചന മൂല്യമുണ്ട്. ഉയർന്ന നെഗറ്റീവ് പ്രവചന മൂല്യം അർത്ഥമാക്കുന്നത് പരിശോധന നെഗറ്റീവ് ആണെങ്കിൽ, രോഗത്തിന്റെ സാധ്യത വിദൂരമാണ് എന്നതാണ്. ഹൃദയത്തിലേക്കുള്ള രക്തക്കുഴലുകളുടെ പ്രാരംഭ ഭാഗം വിലയിരുത്തുന്നതിന് സിടി ട്രിപ്പിൾ റൂൾ ഔട്ട് നല്ലതാണെങ്കിലും, സൂക്ഷ്മമായ വിശദാംശങ്ങൾ ദൃശ്യവൽക്കരിക്കുന്നതിൽ ഇത് കൊറോണറി ആൻജിയോഗ്രാഫി പോലെ ഉത്തമമല്ല. കൈത്തണ്ടയിലെയോ തുടയിലെയോ രക്തക്കുഴലുകളിലൂടെ കടത്തുന്ന നീളമുള്ള ട്യൂബുകൾ ഉപയോഗിച്ച് കോൺട്രാസ്റ്റ് മരുന്നുകൾ ഹൃദയത്തിന്റെ രക്തക്കുഴലുകളിലേക്ക് നേരിട്ട് കുത്തിവച്ചാണ് കൊറോണറി ആൻജിയോഗ്രാഫി ചെയ്യുന്നത്.

ഹൃദയത്തിലെ രക്തക്കുഴലുകളിലെ ബ്ലോക്കുകളുടെ വിശദാംശങ്ങൾ ദൃശ്യവൽക്കരിക്കുന്നതിൽ സിടി ട്രിപ്പിൾ റൂൾ ഔട്ടിനെക്കാൾ മികച്ചതാണ് സാധാരണ സിടി കൊറോണറി ആൻജിയോഗ്രാം. കാരണം, സാധാരണ സിടി കൊറോണറി ആൻജിയോഗ്രാം സമയമെടുക്കുന്ന സോഫ്‌റ്റ്‌വെയറും ത്രിമാന പുനർനിർമ്മാണങ്ങളും ഉപയോഗിക്കുന്നു. അവ അടിയന്തിര ഘട്ടത്തിൽ ഉപയോഗിക്കാനാവില്ല. കൈയിലെ രക്തക്കുഴലുകളിൽ കോൺട്രാസ്റ്റ് മരുന്നുകൾ കുത്തിവച്ച് പ്രത്യേക ഉപകരണങ്ങളും സോഫ്‌റ്റ്‌വെയറുകളും ഉപയോഗിച്ച് വിപുലമായ സിടി ഇമേജിംഗ് നടത്തിയാണ് സിടി കൊറോണറി ആൻജിയോഗ്രാം ലഭിക്കുന്നത്.

സിടി ട്രിപ്പിൾ റൂൾ ഔട്ട് കാര്യപ്പെട്ട പൾമണറി എംബോളിസം വളരെ നന്നായി കാണിക്കും. അയോർട്ടിക് ഡിസെക്ഷൻ നിർണ്ണയിക്കുന്നതിൽ ചില പിഴവുകൾ ഉണ്ടാകാം, അവ മിക്കവാറും ഇസിജി ഗേറ്റിംഗ് വഴി ഇല്ലാതാക്കി. ഇസിജി ഗേറ്റിംഗ് ഹൃദയത്തിന്റെ സങ്കോചത്തിന്റെ അല്ലെങ്കിൽ വികസനത്തിന്റെ ഒരു പ്രത്യേക സമയത്തെ ചിത്രങ്ങൾ തിരഞ്ഞെടുക്കുന്നു, ഇസിജി തരംഗങ്ങളാൽ ഇത് നയിക്കപ്പെടുന്നു. ഇങ്ങനെ ചലനം മൂലമുണ്ടാകുന്ന ചിത്രങ്ങളിലെ അവ്യക്തത ഒഴുവാകുന്നു.