സെർവിക്കൽ റിബിന് എങ്ങനെയാണ് ഹൃദയാഘാതത്തിന് സമാനമായ ലക്ഷണങ്ങൾ ഉണ്ടാക്കുന്നത്?

സെർവിക്കൽ റിബിന് എങ്ങനെയാണ് ഹൃദയാഘാതത്തിന് സമാനമായ ലക്ഷണങ്ങൾ ഉണ്ടാക്കുന്നത്?

കഴുത്തിലെ ഒരു അധിക അസ്ഥിയാണ് സെർവിക്കൽ വാരിയെല്ല്. സാധാരണയായി നെഞ്ചിലെ കശേരുക്കളിൽ നിന്ന് മാത്രമാണ് വാരിയെല്ലുകൾ ഉണ്ടാകുന്നത്. കഴുത്തിലെ കശേരുക്കളിൽ നിന്ന് ഉണ്ടാകുന്ന അസാധാരണമായ വാരിയെല്ലാണ് സെർവിക്കൽ റിബ്. സുഷുമ്നാ നാഡിയിൽ നിന്ന് കഴുത്തിലേക്ക് പുറപ്പെടുന്ന നാഡി വേരുകളിൽ അമർത്താൻ ഇതിന് കഴിയും. നട്ടെല്ലിനുള്ളിലെ നാഡീവ്യവസ്ഥയുടെ ഭാഗമാണ് സുഷുമ്നാ നാഡി.
ഹൃദയത്തിൽ നിന്ന് സിഗ്നലുകൾ സ്വീകരിക്കുന്ന അതെ സുഷുമ്‌നാ നാഡിയുടെ വേര് സെർവിക്കൽ റിബ് കംപ്രസ് ചെയ്യുകയാണെങ്കിൽ ഉണ്ടാകുന്ന വേദന അതേ സ്ഥലത്തുതന്നെയായിരിക്കും. ഞരമ്പുകൾ ശരീരത്തിൽ നിന്ന് തലച്ചോറിലേക്ക് നമ്മുടെ സംവേദനങ്ങൾ കൊണ്ടുപോകുന്ന നേർത്ത നാരുകളാണ്. മറ്റൊരു കൂട്ടം ഞരമ്പുകൾ തലച്ചോറിൽ നിന്ന് ശരീരത്തിന്റെ ഭാഗങ്ങളിലേക്ക് സിഗ്നലുകൾ കൊണ്ടുപോകുന്നു.
എന്നാൽ നാഡി വേരുകളുടെ കംപ്രഷൻ മൂലമുണ്ടാകുന്ന വേദനയ്ക്ക് ഹൃദയത്തിൽ നിന്ന് ഉത്ഭവിക്കുന്ന വേദനയിൽ നിന്ന് വ്യത്യസ്തമായ സവിശേഷതകൾ ഉണ്ടാകും. ഹൃദയസംബന്ധമായ പ്രശ്‌നങ്ങൾ മൂലമുള്ള വേദന സാധാരണയായി വ്യായാമ സമയത്താണ് ഉണ്ടാകുന്നത്. എന്നാൽ നാഡി വേരുകൾ ഞെരുക്കുന്നതുമൂലമുള്ള വേദന കഴുത്തിലെ ചലനം, ചുമ, തുമ്മൽ മുതലായവ വഴിയാണ് ഉണ്ടാകുന്നത്.
രക്തപ്രവാഹം കുറയുന്നത് മൂലം ഹൃദയപേശികളിലെ ഒരു ഭാഗത്തെ തകരാറാണ് ഹൃദയാഘാതം, ഇത് സാധാരണയായി കഠിനമായ നെഞ്ചുവേദന ഉണ്ടാക്കുന്നു. ഇത് അരമണിക്കൂറിലധികം നീണ്ടുനിൽക്കും, അടിയന്തിര വൈദ്യസഹായം ആവശ്യമാണ്. സെർവിക്കൽ വാരിയെല്ലിനും വൈദ്യസഹായം ആവശ്യമാണ്, പക്ഷേ അത്ര അടിയന്തിരമല്ല.
സെർവിക്കൽ വാരിയെല്ല് മൂലമുള്ള വേദന സാധാരണയായി കൈകളിലാണ്, നെഞ്ചിലല്ല. എന്നാൽ കൈ വേദന ചിലപ്പോൾ ഹൃദയാഘാതത്തിന്റെ ലക്ഷണമായി കാണാറുണ്ട്.